Хэрвээ та өөрөө эсвэл хүүхэдтэйгээ хүчирхийлэлтэй харилцааг орхин явахаар шийдсэн бол дараах аюулгүй байдлын багцтай танилцаарай. 

• Банкны хадгаламжийн дэвтэр: та хоёр хамтдаа эзэмшдэг бас хүүхдийнхээ нэр дээр байдаг хадгаламжийн дэвтрийг битгий мартаарай
• Та өөрийнхөө болон хүүхдийнхээ иргэний бичиг баримтуудыг /цахим үнэмлэх, хүүхдийн төрсний гэрчилгээ, эрүүл мэндийн даатгалын дэвтэр, гэрлэлтийн баталгаа, жолооны үнэмлэх зэрэг/ аваарай
• Хэрэглэдэг эм бэлдмэл: хүүхдийн харшлын эм, тос зэрэг орно
• Гэрийн болон машины түлхүүр
• Яаралтай үед холбоо барих утасны жагсаалт
• Хүүхдийнхээ дулаан хувцас
• Ойр зуур хэрэглэх ариун цэврийн хэрэгсэл
• Гар утасны цэнэглэгч; 
• Шинээр суурьшсан гэрийн хаягаа нөхөртөө болон хамтрагчдаа мэдэгдэхээс, дахин хүчирхийлэлд өртөхөөс болгоомжлоорой.

Хэрвээ та хүчирхийлэл үйлдэгчийг одоогоор орхин явах боломж бүрдээгүй байгаа тохиолдолд дараах байдлаар аюулгүй байпдлаа хангаарай: 

• Хүчирхийлэл үйлдэгчтэй хоёулахнаа хамт үлдэхээс аль болох зайлсхийгээрэй.
• Хэрэв таны сэтгэл санаа тавгүй байвал эсвэл хэвийн байсан ч найз нөхөдтэйгөө аль болох ойр ойрхон холбогдож байгаарай.
• Та чин сэтгэлээсээ итгэж байгаа хүндээ л энэ асуудлынхаа талаар хуваалцаарай.
• Хэрэгцээтэй мэдээлэл, бичиг баримт зэргээ аль болох гэрээсээ гадуур найдвартай газарт хадгалуулаарай.
• Хэрэгцээтэй нөөц, хувцас, мөнгө зэргээ бэлдээрэй.
• Хэн нэгэн таныг болон хүүхдүүдийг чинь сүрдүүлсэн бол хаана, хэнд хандаж  тусламж авахыг зааж өгөөрэй.  Хэрвээ тэд ямар нэгэн зүйл сонсвол, тохиолдвол цагдаад мэдэгдэхийг хөршүүдээсээ гуйгаарай.
• Ямарваа нэгэн асуудал тохиолдох үед хүүхдүүдээ түр байлгах аюулгүй газар болон шаардлагатай зүйлсийг мөн бэлтгээрэй.